Recents in Beach

Trends of Bodo short Story | बर सुंद सलनि बोहैथि दाहार:

Trends of Bodo short Story:

बर सुंद सलनि बोहैथि दाहार:

Trends of Bodo short Story, Bodo Short Story
trends-of-bodo-short-story

       आथिखाल मुलुगाव सुबुंफोरनि गेजेराव बयनिख्रुय बांसिन मोजां मोनजानाय थुनलायनि आयदायानो जादों Short Story. Novel, Poetry, Prose फोर बादिनो Short Story आबो थुनलायनि मोनसे एंगारनो हायै गोनां बाहागो। जायखौ एंगारना मोनसे थुनलाया आबुं थुनलाय जानो हाया। Short Story आ आथिखालाव बयजोंबो मोजां मोनजानाय आरो बेनि गोसारथिया गुवारनिफ्राय गुवारसिन जाबोगासिनो दं। Short Story आ गोदो गोदायनिफ्रायनो सुबुंफोरनि गेजेराव दंमोन, नाथाय बेखौ गोदो सल सलबाथा बुंनायमोन। Italy Literature नि “Gesta Romanoram” Boccaccio नि “Decameron” Chaucer नि “Centebury Tales” संसक्रित थुनलायनि हितपदेश, पन्चतन्त्र, कथा सरित सागर बायदिफोरनिफ्राय आथिखालनि सुंद सलआ जोनोम जादों। सुंद सलनि हरखाब जागायनाय आरो हरखाब जोबनायखौ नायना Edgar Allan Poe आ एरै बुंदों – “A short story is a prose narrative requiring from half an hour to one or two hours in its perusal.”

      नैजि जौथायनि थामजि जिथायनिफ्रायसो बर थुनलायाव Short Story लिरनाया जादों होन्ना बुङो। मखजायोदि Bodo Short Story आ खन्थायनि उनावनो मोनसे गोनांथार जायगा आवग्रिदों। बर थुनलायाव Bodo Short Story नि जोनोमगिरिया जादों इसान मोसाहारि। बिथांनि आबारि (Abari)” आनो बरनि गिबिसिन Short Story. बे Short Storyप्रमद चन्द्र ब्रह्म बिथाङा सुजुमाय हाथरखि हाला लायसियाव 1930 / 1940? मायथायाव ओंखारदोंमोन। अदेबानि बिनि सिगां सतिस चन्द्र बसुमटारिनि रंदानि फाग्लि मुं लानानै लिरनाय दाव संबायनाय मुंनि सुंद सलबिबार (Bibar) लायसियाव 1924 मायथायाव नुजादोंमोन। नाथाय बेवहाय सुंद सलनि आखुथायफोरखौ नुनो मोनजोबाखै। इसान मोसाहारिनि गिबि सुंद सलनि उनाव एसे गोबाव समसिमहालागै Short Story ओंखारनायनि नेरसोन मोनाखै। नैजि जौथायनि बा जिथायनि उनाव अखाफोर, आलारि मुस्रि आरो सानस्रि, नायक लायसिफोरा फोसावजायो। 1953 मायथायाव ओंखारनाय बड लायसियाव लिला ब्रह्मनि गोसोनि दाहा या ओंखारो। आरोबाव बिथांनिनो बुहुल जानाय Short Story आबो बे लायसियावनो ओंखारो। बे लायसिनिनो 1956 मायथायाव फोसावजानाय बिसानाव गहिन बसुमटारिनि बारहुंखानि उनाव सलआ ओंखारो। बेफोर गासैबो सलफोरा लायसिफोरावसो गांफा गांनैयै ओंखारजेन्दोंमोन। बे समसिमहालागै जेबो Short Story नि बिजाब महरै ओखाराखैमोन।

      1970 मायथायावसो चित्तरनजन मोसाहारिनि फैमाल मिजिं (Fwimal Mizing)First Bodo Short Story Book महरै ओंखारदोंमोन। बे बिजाबाव दोंथाम सलफोर दं। फैमाल मिजिं (Fwimal Mizing)”, फांनै नालेंखर बिफां आरो गोमानाय दायेरि। फैमाल मिजिं (Fwimal Mizing) आव सासे माहाजोन्नावनो थानाय सानै दाहोना रुवाथिनि गोसोथोलायनायखौ फोरमायदों। फांनै नालेंखर बिफाङाव खनले खनले नाहैबाबो जाजायै रुपारामनि हिन्जाव नायनो थांनायनि मिनिथाव बोराबथाव जाथायखौ फेस्ला आरो मिनिथाव रावजों फोरमायदों। गोमानाय दायेरियाव सानै बिब बिनानावनि सोमोन्दै फोरमायदों। 1974 मायथायाव आरोबाव बिथां मोसाहारिनिनो थालिम आ ओंखारो। बिथाङा सासे जाफुंसार सल लिरगिरि। बिथांनि सल लिरनाय आदब प्लट सायखनाय आरो आखु एरनाया थारैनो जोबोद मोजां।

Bodo Short Story | Modern Bodo Short Story | Patni Dokhona पातनि दखना

      Nilkamal Brahma:

बिथाङा सासे मखजाथाव सल लिरगिरि। बिथांखौ Father of Bodo Short Story बो बुंनाय जायो। बिथांनि हाग्रा गुदुनि मै आ 1972 मायथायाव नुजायो। बेवहाय गासै दोंजि सलफोर दङ। Bodo Short Story नि बिथिङाव बिथाङानो बांसिन बिहोमा होदों। बिथांनि सलनि आखुफोरनि गेजेरजों गोदान नोजोर सानस्रिनि सिनायथि होग्रा आरो गोदान समाजनि थान्दै फोरखौ बेरखांहोनाय नुनो मोनो। बिथांनि माखासे सलफोरखौ गाहायाव होनाय जाबाय –

Sl No

Name of Short Story

Year

1

सिलिंखार (Silingkhar)

1984

2

सिरिनाय मान्दार (Sirinai Mandar)

1985

3

साखन्द्रा (Sakhondra)

1987

4

मेम दावदै (Ma’m Daodwi)

1995

 

बेफोरनि अनगायैबो गुबुन गुबुन रावनि सलफोरखौ जथायनाय बिजाब सोनाबनि सल आ 1975 मायथायाव ओंखारो।

      Manaranjan Lahary:

 बिथांङा खन्थायगिरि, सलमागिरि, थुनफावथायगिरि आरो थुनलाय बिजिरिबाबो Bodo Short Story नि फोथारावबो गोबां बिहोमा होदों। बिथाङा सासे समाज सांग्रां सलगिरि। बिथांनि सलफोराव बर समाजनि मोगथां जिउनि सावगारिफोरा बेरखांनायजों लोगोसे गावारि जिउआव नुजानाय जेंना जेंसिफोर, गामियारि जिउनि रांखान्थियारि अलखद, समाजाव थानाय इनाय अनागार सावगारिफोरा बिथांनि सलफोराव रोखायै बेरखांनायखौ नुनो मोनो।

Sl No

Name of Short Story

Year

1

सल बिदां (Solo Bidang)

1978

2

सलनि सल (Soloni Solo)

1985

 

Dharnidhar Owary:

बिथाङाबो राफोद सुंद सल लिरगिरि। बिथाङा 1979 मायथायाव गान्दु सिंनि लायजाम गांसे मुंनि गांसेल सुंद सल बिजाब लिरदों। बेनो बिथांखौ सासे राफोद सुंद सल लिरगिरि होन्नानै सिनायथि होदों। बिथाङा गावनि सलफोराव समाजनि खोमसि फोथायनाय सनदेह बायदिखौ बोस्रांनो नाजानायनि गेजेरजों सलनि सावगारि एरखांदों।

Hareswar Basumatary:

बिथांङाबो माखासे सुंद सल लिरदों। बेफोर जाबाय –

Sl No

Name of Short Story

Year

1

अनाथिनि लामायाव (Anathini Lamayao)

1968

2

मोन्नै मोखां (Mwnnwi Mwkhang)

1968

3

दोबैलांनाय सान (Dwbwilangnai Sun)

1968

4

गोरोबनाय (gwrwbnai)

1970

5

गोदान हायना Gwdan Haina)

1977

6

दावखा खामफ्लाय (Daokha Khamflai)

1978

7

गोसो थोनाय (Gwsw Thwnai)

1980

 

Haribhusan Brahma:

बिथांहा बर थुनलायनि Bodo Short Story नि फोथाराव मैखोम बिहोमा दङ। बिथांनि सल बिजाबफोराव सोंखारिनाय आरो फेस्ला आखुनि सलफोर दङ। अदेबानि फेस्लानि गेजेरजोंनो बिथाङा बर हारियाव नुजानाय इनाय अनागारिखौ खेंसालियायै सोंखारिना फोसाबनो नाजादों। बेखायनो बिथांखौ बरनि फेस्ला सलनि जोनोमगिरिबो बुंनाय जायो। बिथांनि सलफोरा जाहैबाय –

Sl No

Name of Short Story

Year

1

स्रिमटि दुरलाय (Srimoti Durlai)

1981

2

रोनाव फाग्ला (Rwnao Fagla)

1985

 

Katindra Swargiyary:

बिथाङाबो नैजि जौथायनि सासे मखजाथाव Bodo Short Story लिरगिरि। बेजों लोगोसे बिथाङा सासे खन्थायगिरि, रायथायगिरि, सलमागिरि, थुनफावथायगिरि, मेथाय लिरगिरि आरो सुजुगिरिबोमोन। समाज सांग्रांथि सानस्रिजों लिरनाय बिथांनि सुंद सलफोराव बडलेण्ड सोमावसारनाय समनि थासारि आरो सेंग्रा सिख्लाफोरनि गोसोनि हाबिलासखौ एरखांनो नाजानायखौ नुनो मोनो। बिथांनि हंला पन्दिट सुंद सल बिजाबनि थाखै बिथांङा Boro Sahitya Sabha नि समेस्वरि बान्थाबो मोन्दोंमोन। बिथांनि गाहाय Bodo Short Story बिजाबफोरा जाबाय –

Sl No

Name of Short Story

Year

1

राजा लामा (Raja Lama)

1986

2

हंला पन्दिट (Hongla Pandit)

1995

3

जावरिखांनायनि गिबि आयदा (Jaorikhangnaini Gibi Aida)

2000

 

Indramalati Narzary:

बिथांखौबो सासे राफोद सुंद सल लिरगिरिफोरनि मुङाव लाफानो हायो। बिथांनि सलफोराव सेंग्रा सिख्लाफोरनि मोजां मोनलायनाय, दाहोना रुवाथिफोरनि दुखुथिया जिउ, समाजारि सावगारि आरो सुबुं जिउखौ बिजिरनो नागिरनायखौ नुनो मोनो। बिथांनि मखजाथाव सुंद सल बिजाबफोरा जाबाय –

 

Sl No

Name of Short Story

Year

1

आंनि मोजां मोन्नायनि दायेरि (Angni Mwjang Mwnnaini Diary)

1995

2

गावदां (Gaodang)

2007

 

Nandeswar Daimary:

बिथाङाबो सासे गोदान मुगानि सासे सांग्रां Bodo Short Story लिरगिरि। बिथांनि सलफोराव समाजारि सावगारि, समाजारि गुबुंले थासारिफोरखौ गोख्रों रावजों सोंखारिनाय, जिउ खुंनायाव सुबुं माहारिया सहायनांनाय दुखु दाहा, आंखाल धोनिजों गोरिब सुबुंफोरा नासयजानाय बायदि बायदि सावगारिया बेरखांदों। बिथाङा बक्सिं सुंद सल बिजाबनि थाखाय Boro Sahitya Sabha नि समेस्वरि बान्थाबो मोन्दोंमोन। बिथांनि मखजाथाव सुंद सल बिजाबफोरा जाबाय –

Sl No

Name of Short Story

Year

1

थांनायनि दावहा (Thangnaini Daoha)

1993

2

बक्सिं (Boxing)

1993

3

अबे नेनाय दालाङा बायग्रेबनायसो (Obe Nenai Dalanga Baigrebnaisw)

2002

 

Nabin Malla Boro:

बिथाङाबो बर थुनलायाव सुंद सल लिरनानै मैखोम बिहोमा होनाय सासेबाव गोख्रों लिरगिरि। बिथांनि सलफोरावबो समाजारि सावगारिखौनो बेरखांनाय नुनो मोन्दों।

Sl No

Name of Short Story

Year

1

गोसो फान्जारिनि बिबार (Gasw Fanjarini Bibar)

1996

2

हादान (Hadan)

2003

 

Mangalsing Hazowary:

बिथाङा सासे Sahitya Akademy बान्था मोन्नाय खन्थायगिरि, थुनफावथायगिरिजों लोगोसे सासे गोख्रों सुंद सल लिरगिरिबो। बिथांनि सलफोरावबो समाजरि सावगारिफोर आरो फेस्ला रावजों फोरमायनाय आदबफोरखौ नुनो मोनो।

Sl No

Name of Short Story

Year

1

फैसालि आन्दोनि सल (Fwisali Andwni Solo)

1996

 

Madhuram Boro:

Sahitya Akademy नि भासा सनमान बान्था मोनगिरि बिथांआबो Bodo Short Story आव गावनि गोनां बिहोमाखौ होलांनाय सासे लिरगिरि। बिथांनि गरसे फैसा सुंद सल बिजाबा 1996 मायथायाव नुजायो। बे बिजाबाव दों दायन सलफोर दङ। बिथांनि सलफोराव लिरगिरिया गावनि जिउनि बाथ्रा समाजनि सावगारि बायदिफोरखौ एरखांदों।

Arabinda Ujir: 

     गागि खन्थायगिरि अरबिन्द उजिर बिथाङा सुजुनाय सुंद सलनि थखा मुंनि बिजाबा 1994 मायथायाव ओंखारो।

Bijoy Baglary: बिथाङा सुजुनाय गांथाम सुंद सल बिजाबफ्रा जादों –

Sl No

Name of Short Story

Year

1

जखायथाम दोंथाम सल’ (Jokhaitham Dwngtham  Solo)

2001

2

खाथाखसे सल’ (Khathakhose Solo)

2002

3

सल बिबार (Solo Bibar)

2003

 

Z.D Basumatary:

बिथांनि सलफोराव बडलेण्ड सोमावसारनाय, बरफोरनि बिदा फंबायनि दाङाबाजि, बर सावतालनि गेजेराव जानाय हारियारि दाङाबाजिफोरनि गोथां सावगारि नुनो मोनो। बिथाङा मिस्टार हायब्रिदनि गोलोमदै आरो मोदै नि थाखाय समेस्वरि बान्था मोनदोंमोन।

Sl No

Name of Short Story

Year

1

आं फैफिनगोन (Ang Fwifingwn)

1997

2

मिस्टार हायब्रिदनि गोलोमदै आरो मोदै (Mr Hybridni Gwlwmdwi Arw Mwdwi)

2005

 

Janil Kr Brahma:

बिथाङाबो सासे मखजाथाव सलगिरि। बिथांनि सलफोराव बर हारिनि गामियारि समाजनि गोरलै आखु हारिखौ रांखान्थियारियै माबोरै सांग्रां खालामनो हायो आरो समाजारि सावगारि बायदिफोरा रोखा बेरखांदों। बिथाङा दुम्फावनि फिथा सल बिजाबनि थाखै 2007 मायथायाव Sahitya Akademy बान्था मोनो।

Sl No

Name of Short Story

Year

1

दुम्फावनि फिथा (Dumfaoni Fitha)

2005

2

मैदेर मुहिनि (Mwider Muhini)

2007

 

Sl No

Name of Short Story

Author

Year

1

हारावनि सायकेल (Haraoni Cycle)

Gobinda Basumatary

2006

2

माल द्रायभार (Mal Driver)

Taren Boro

2006

3

मान्दार बिबार (Mandar Bibar)

Dhireswar Boro Narzary

2002

4

रिंनि रिं (Ringni Ring)

Dhireswar Boro Narzary

2007

5

सानजौफुनि बारहुंखा (Sanjwufuni Barhungkha)

Dhiren Ch Boro

2008

6

खामखोन्दा बन्जार (Khamkhwnda Bonjar)

Sansumwi Khungri Basumatary

2012

   

Trends of Bodo short Story, Bodo Short Story
trends-of-bodo-short-story


  गोजौआव होबोनाय सलफोरनि अनगायैबो आरोबाव गोबां गोदान गोदान लिरगिरिफोरनि गुबुन गुबुन आदबजों लिरनाय सुंद सलफर दंबावो। लायसिफोरावबो माखासेमानि सुंद सलफोर ओंखारदों जायफोरखौ गोजौआव होजोबनाय जायाखै। मखजाथावदि बर थुनलायाव गुबुन गुबुन थुनलायफोरनि गेजेराव सुंद सल आयदाखौ गोबां जौगानाय नुनो मोनबाय। आरोबाव गागि लिरगिरि आरो गोदान लिरिगिरिफोरा गावसोरनि रोंगौथिजों लिरनानै दिहुनबावोब्ला बासिनै Bodo Short Story आ जौगासिनबावगोन। अब्लासो बरफोरनि थुनलायाबो गुबुन हारिनि थुनलायफोरजों फेर नांनो हागोन।

 

                                                     *********

Reference Book: 

  • थुनलाइ बिजिरनाय                    – गुणेश्वर मुसाहारी
  • बर थुनलाइनि जारिमिन               - मनरन्जन लाहारी
  • बर सुंद सलनि बोहैथि दाहार          - स्वर्ण प्रभा चैनारी
  • बर कछारीनि समाज आरो हारिमु       - भबेन नार्ज्जी


Post a Comment

0 Comments